فاصوليا خضرا بالزيت جديدة وسهلة. اكتشفوا وصفة، بطريقة تحضير واضحة، مقادير دقيقة، وصور رائعة. فاصوليا خضرا بالزيت و البطاطا مغذية و صحية و سريعة ❣لساتا سخنة حتى البخار طالع بالصورة
- 0.5 كيلو فاصوليا خضرا
- 4 بطاطايات (اختياري)
- 3 بندورات
- بصلة صغيرة
- سنين توم كبار
- ملح
- زيت زيتون
- كعب ماجي
- كمون
- فلفل اسود
- 1 نقطع الفاصوليا و نغسلها و نصفيها من المي
- 2 انا حطيت بطاطا لاني بحبا بس هي اختياري اللي ما بدو لا يحطها... نقشرها و نغسلها و نطعها مكعبات كبيرة
- 3 نفرم بصلة و نهرس التوم و نشوحها بزيت زيتون بطنجرة
- 4 نقشر البندورة و نقطعها و نشوحها مع البصل و التوم
- 5 بعد دقيقتين نحط الفاصوليا مع باقي المكونات اللي بالطنجرة و نصب عليها مي
- 6 نخلي النار عالية و لما المي تبلش تغلي نوطيها و نضيف عليها مكعب ماجي و ملح
- 7 اول ما نشوف الفاصوليا تغير لونها نضيف عليها البطاطا مشان تستوي و نضيف فلفل اسود و كمون
- 8 نخليها تغلي لحد ما تتشرب كل المي، و لو الفاصوليا و البطاطا استوت قبل ما تنشف المي ؛ نشيل غطا الطنجرة و نعلي نار البوتجاز لحتى تنشف
- 9 و الف صحة وهنا
يجب عليك تسجيل الدخول لتتمكن من التعليق وإضافة تجربتك لهذه الوصفه
